Hér í Sheffield er búin að vera sól og blíða alveg frá því á föstudaginn, mér er búið að líða eins og ég sé í sumarfríi í sólarlöndum það er búið að vera svo gott veður. Þessi helgi er búin að vera löng því allir eru í fríi í dag (mánudag), þetta er einskonar verslunamanna helgi hérna :)

Ég fór niður í bæ áðan í pilsi og bol og voða sumarleg. Í eftirmiðdaginn fór ég inní Virgin til þess að kaupa mér Moby Hotel. Hann er rosalega góður er að hlusta á hann núna. En áður en ég fór heim þá þegar ég ætlaði út var komin sturta úti og það brakaði í himninum af þrumum og það myndaðist fljót niður göturnar. Ég beið bara smá stund á meðan þetta gengi yfir og svo hljóp ég í leigubíl og heim. Nú er aftur komið blíðskapar veður klukkutíma seinna. Ég vona að sumarið haldi áfram :)